...

Müdafiə Nazirliyi: Cəbhədə son zamanlar vəziyyət gərginləşib, hər iki tərəfdən yaralananlar və itkilər olur

Ermənistan-Azərbaycan münaqişəsi Materials 8 Avqust 2013 12:48 (UTC +04:00)
Son bir neçə gün ərzində cəbhə xəttində gərginlik müşahidə olunur.
Müdafiə Nazirliyi: Cəbhədə son zamanlar vəziyyət gərginləşib, hər iki tərəfdən yaralananlar və itkilər olur

Trend-i buradan izləyin

Azərbaycan, Bakı, 8 avqust /Trend, müxbir İ.İzzət/

Son zamanlar cəbhə xəttində ciddi gərginlik yaşanır. Bunu cümə axşamı Trend-ə Müdafiə Nazirliyinin mətbuat xidmətinin rəisi, polkovnik Eldar Sabiorğlu bildirib:

"Cəbhədə son zamanlar vəziyyət gərginlləşib. Atışmalar demək olar ki, intensiv xarakter daşıyır. Erməni silahlı bölmələri təmas xəttində atəşkəs rejimini pozurlar. Azərbaycan əsgərləri də düşmənə layiqli cavab verirlər. Vəziyyət indi belədir ki, hər gün atışma var və hər iki tərəfdən yaralananlar və itkilər olur."

Polkovnik E.Sabiroğlunun sözlərinə görə, belə halların baş verməsi ilk dəfə deyil və erməni tərəfi bundan hiylə məqsədilə istifadə etməyə çalışır:

"Bu hadisələr mütəmadi xarakter daşıyır və konkret hansısa əlamətdar günlərlə bağlı deyil. İl boyu cəbhə xəttində atışmalar davam edir. Bəzən intensiv xarakter daşıyaraq daha güclü olur. Bu o deməkdir ki, düşmən, yəni ermənilər sakit oturmayıblar. Onlar atəşkəs rejimini pozurlar. Daha sonra bunu Azərbaycan Silahlı Qüvvələrinin üstünə atmağa çalışırlar, beynəlxalq təşkilatlara da bu cür hesabatlar verirlər. Bu erməni hiyləgərliyini göstərən amillərdən biridir".

Məqalədə:
Xəbər lenti

Xəbər lenti