Azərbaycan, Bakı, 12 noyabr /Trend, müxbir Yelena Kosolapova/
ATƏT-in Minsk qrupunun həmsədrləri Ceyms Uorlik (ABŞ), İqor Popov (Rusiya) və Pyer Andryö (Fransa) Vyanada ATƏT-in Daimi Şurasının iclasında Ermənistan-Azərbaycan, Dağlıq Qarabağ münaqişəsi ilə bağlı çıxış ediblər.
Trend-in məlumatına görə, bu barədə C.Uorlik "Twitter" sosial şəbəkəsindəki səhifəsində yazıb.
Qeyd edək ki, daha əvvəl həmsədrlər Almaniyanın ATƏT-də sədrliyi ərəfəsində Dağlıq Qarabağ münaqişəsini müzakirə etmək üçün Berlində Almaniyanın xarici işlər naziri Frank-Valter Ştaynmayerlə görüş keçiriblər.
ATƏT Xarici İşlər Nazirləri Şurasının növbəti iclası dekabrın 3-4-də Belqradda keçiriləcək. İclas zamanı təşkilatda sədrlik Serbiyadan Almaniyaya keçəcək.