Bakı. Anaxanım Hidayətova - Trend:
Avropa İttifaqının (Aİ) Cənubi Qafqaz üzrə xüsusi nümayəndəsi Herbert Zalber ümid edir ki, ATƏT-in Minsk qrupunun danışıqları Dağlıq Qarabağ münaqişəsi üzrə tərəflərin liderlərinin görüşü barədə razılığa gətirib çıxaracaq. Bu barədə Trend-ə eksklüziv müsahibəsində Bakıda səfərdə olan H.Zalber deyib.
Onun sözlərinə görə, regionda səfərdə olarkən aldığı reaksiyalar ümid etməyə imkan verir ki, münaqişənin nizamlanması ətrafında proses irəliləyir.
Aİ-nin Cənubi Qafqaz üzrə xüsusi nümayəndəsi qeyd edib: "Təəssüratlarım məni yanıltmırsa, hansısa razılaşmalar əldə oluna bilər və komromis həll tapıla bilər".
