Bakıda İrandakı prezident seçkilərinin ikinci turu üzrə səsvermənin vaxtı 4 saat geri çəkilib. İranın Azərbaycandakı səfirliyinin konsul şöbəsindən Trend ə verilən məlumata əsasən,bu qərar bülletenlərin yubanması ilə əlaqədar qəbul olunub.
"Səsvermə Bakı vaxtı ilə 12.00-dan sonra başlanacaq ki, bu da səsvermənin başa çatma vaxtına təsir göstərəcək", - deyə konsul şöbəsində bildiriblər. Ehtimallara görə, səsvermədə 1000-dən çox İran vətəndaşı iştirak edəcək ki, onların 700-ü Bakının, 300-ü Naxçıvanın payına düşür.