Azərbaycan, Bakı, 10 yanvar / Trend , müxbir E.Hüseynli/ Azərbaycanda şaxtalı və qeyri-sabit hava şəraiti ilə bağlı cinayətkarlığın artmaması üçün polis orqanları gücləndirilmiş iş rejimində işləyir. Bu barədə cümə axşamı Trend ə Daxili İşlər Nazirliyinin (DİN) mətbuat xidmətinin əməkdaşı Ehsan Zahidov məlumat verib. Zahidov bildirib ki, polis orqanlarının gücləndirilmiş iş rejimində çalışması qeyri-sabit hava şəraitində baş verən cinayətlərin yarıya qədər azalmasına səbəb olub.
Azərbaycanda gün ərzində orta hesabla 20-30 cinayət hadisəsi qeydə alınır. Bunlardan 3-5 cinayət yol-nəqliyyat hadisələri ilə bağlıdır.
