Azərbaycan, Bakı, 19 mart/ Trend , müxbir A.Qasımova/ Gürcüstan və Ukraynanın NATO-ya mümkün üzvlük perspektivləri yaxşıdır, lakin birləşmə prosesi Albaniya, Makedoniya və Xorvatiya kimi yeni üzvlərdə olduğundan çox vaxt aparacaq", - norveçli tədqiqatçı Asle Toje hesab edir.
Norveçin müdafiə tədqiqatları institutunun baş elmi əməkşdaşı Toje çərşənbə günü Trend -a bildirib ki, Gürcüstan və ya Ukraynanın NATO-ya qəbul edilməsi haqqında söhbətlər daha çox "alovda olan evə qanad tikilməsi" cəhdinə bənzəyir".
Ukrayan rəhbərliyi yanvarın 15-də məktubla NATO Baş katibinə müraciət ediblər. Onlar məktubdə bildiriblər ki, Ukrayna Buxarestdə keçiriləcək aprel sammitində NATO üzvlüyünə dair Fəaliyyət Planına qoşulmağa ümid edir. Son həftələr ərzində Gürcüstanın ali rəhbərliyinin nümayəndələri də dəfələrlə belə bəyanatlarla çıxış ediblər.
"NATO-nun Buxarest sammiti yeni üzvlərin və yeni strateji konsepsiyanın qəbul edilməsi, raket əleyhinə müdafiə, NATO-nun çevik qüvvələri və NATO -nun Əfqanıstandakı missiyası kimi bir sıra çətin məsələləri həll edəcək", - ekspert bildirib. O, Gürcüstan və Ukrayna üzrə son qərarın Buxarest sammitində qəbul edilməyəcəyini qeyd edib. NATO ölkələrinin xarici işlər nazirləri martın 6-da Brüsseldə keçirilən görüşləri zamanı Gürcüstan və Ukraynanı, hələ ki, MAP-a daxil etməməyə dair qərar qəbul ediblər.
Tojenin sözlərinə görə, NATO-nun əsas müttəfiqləri, sadəcə, Rusiya və Qərbin fikir ayrılıqları olan anları müzakirə ediləcək məsələlər siyahısına daxil etmək istəmirlər. "Alyansda təhlükəsizliyi təmin edən əsas güc olmasına görə, Vaşinqtonun rəyi həlledici olacaq. Buxarest sammiti ərəfəsində ABŞ prezidentinin Kiyevə səfəri ABŞ-ın münasibətinin yaxşı olduğunu göstərir", - ekspert vurğulayıb.
Ekspert Gürcüstan və Ukraynanın əleyhinə olan səbəblər arasında Abxaziya və Cənubi Osetiya ilə ərazi münaqişələrini, ölkədəki narahat siyasi vəziyyət və Ukraynadakı daxili parçalanmaları göstərib.
Aprelin 1-də Buxarestdə NATO-nun sammiti keçiriləcək. Sammit zamanı Gürcüstan və Ukraynanın Alyansa üzvlük məsələsinin nəzərdən keçiriləcəyi gözlənilir.
