Azərbaycan, Bakı, 09 iyun/ Trend , müxbir E.Hüseynli/ Azərbaycanda bələdiyyə torpaqlarında külli miqdarda narkotik maddə aşkarlanıb. Daxili İşlər Nazirliyinin (DİN) mətbuat xidmətindən bazar ertəsi Trend -a bildiriblər ki, Ağdaş rayonunun Davudlu kənd bələdiyyəsinə məxsus 1,8 sot sahədən yabanı halda bitmiş, çəkisi 1 ton 73 kiloqram olan 2364 ədəd çətənə kolu aşkarlanıb.
Trend -un arayışı: Bu il narkotik vasitələrin və psixotrop maddələrin qanunsuz dövriyyəsi , ötən ilin müvafiq dövrü ilə müqayisədə 11,9%, o cümlədən satışı 27,2%) artıb.
Daxili işlər orqanları tərəfindən yanvar-mart aylarında qanunsuz dövriyyədən 181 kiloqramdan çox( ötən ilin müvafiq dövrü ilə müqayisədə, +2,5 dəfə çox) narkotik vasitə götürülüb, 41,5 kq-a yaxın (+2,7 dəfə) narkotik vasitənin qaçaqmalçılıq yolu ilə respublikaya gətirilməsinin qarşısı alınıb.
DİN-in mətbuat xidmətinin məlumatına görə, aşkar olunan çətənə kolları məhv edilərək yandırılıb. Faktla bağlı araşdırma aparılır.
Məqalə müəllifi ilə əlaqə ünvanı: [email protected]