Azərbaycan,Bakı, 09 İyun / Trend , müxbir K.Zərbalıyeva/ Azərbaycanla Səudiyyə Ərəbistanının Ədliyyə nazirlikləri arasında əməkdaşlıq haqqında sənəd imzalanıb.
Ədliyyə Nazirliyinin mətbuat xidmətinin bazar ertəsi yaydığı məlumatda bildirilir ki, iki ölkə arasında hüquqi yardım və əməkdaşlığa dair sənəd layihələrinin razılaşdırılması məqsədilə, Səudiyyə Ərəbistanı Krallığı Ədliyyə Nazirliyinin Məhkəmə işləri üzrə agentliyinin rəisi, nazir müavini Abdulla bin Saleh əl-Hədisin başçılıq etdiyi nümayəndə heyəti Azərbaycanda səfərdə olub.
Səfər zamanı mülki və ticarət işləri üzrə məhkəmə və ədliyyə əməkdaşlığı haqqında dövlətlərarası Müqavilə, habelə Ədliyyə nazirlikləri arasında əməkdaşlıq haqqında Saziş layihələri üzrə danışıqlar aparılaraq, müvafiq razılaşma parotokolu imzalanıb.
Səfər zamanı Səudiyyə Ərəbistanı Ədliyyə Nazirliyinin nümayəndələri ədliyyə naziri Fikrət Məmmədovla görüşüblər.
Müəlliflə əlaqə saxlamaq üçün elektron ünvan - [email protected]
