Azərbaycan, Bakı, 22 avqust / Trend , müxbir T.Cəfərov/ Azərbaycanın 20 ziyalı və alimindən ibarət nümayəndə heyəti İrana səfər edib.
Ziyalıların səfərini İranın Azərbaycandakı İmam Xomeyni adına İmdad Komitəsi təşkil edib.
Komitədən cümə günü Trend -a bildiriblər ki, ziyalıların dünən başlayan səfərində məqsəd İranın elmi, mədəni və tarixi mərkəzləri ilə tanış olmaqdır.
Azərbaycan ziyalıları səfər çərçivəsində İranın Məşhəd şəhərində İmam Rzanın məqbərəsini də ziyarət edəcəklər.
İranın İmdad Komitəsi 15 ildir Azərbaycanda fəaliyyət göstərir. Azərbaycan ziyalı və alimlərindən ibarət nümayəndə heyətinə Azərbaycan Neft Akademiyasının müxbir üzvi Ramiz Qurbanov, Azərbaycan Milli Elmlər Akademiyasının Neft-Kimya Prosesləri İnstitutunun elmi işçisi, elmlər namizədi Səyyad İbrahimov, Azərbaycan İnşaat Universitetinin müəllimi, texniki elmlər namizədi Mərdan Cəlilov, Təhsil Problemləri İnstitutunun işçisi, pedaqoji elmlər doktoru Akif Abbasov da daxildir.
Məqalə müəllifi ilə əlaqə ünvanı: [email protected]
