Əfqanıstan, Kabil, 26 avqust / Trend A. Həkimi / Pakistan hakimiyyəti Taliban qrupunun ölkədə fəaliyyətinə qadağa qoysa da, bu qərarın Əfqanıstanın təhlüksizlyində təsiri şübhəlidir.
"Pakistanın Talibanla bağlı qərarı regionun təhlükəsizliyinə müsbət təsir etməyəcək" - deyə Əfqanıstanın siyasi eksperti Vəhid Müjdə çərşənbə axşamı Trend -un Kabildəki müxbirinə bildirib.
Əfqanıstanın XİN sözçüsü Sultan Əhməd Bəhin mətbuata açıqlamasında bildirib ki, Əfqanıstan rəsmi İslamabadın Talibanın fəaliyyətinə qadağan qoymasını müsbət dəyərləndirir. O əlavə edib ki, Əfqanıstan Pakistanın qərarını dəstəkləyir və Pakistanın terorizmə qarşı mübarizədə atdığı addımı alqışlayır.
"Pakistan bu qərarı daha əvvəl versəydi, daha təsirli olardı" - deyə Əfqanıstanın XİN sözçüsü bildirib.
Əfqanıstanın siyasi eksperti Müjdə bildirib ki, Taliban Pakistanın qərarının müqabilində , qisas məqsədilə Əfqanıstan və Pakistana qarşı intiharçıların hücumlarını daha da şiddətləndirəcək.
Ekspertin fikrincə, Pakistanda Talibana qarşı hücumlar artırılarsa, Taliban Əfqanıstana üz tutacaq və ölkədə sabitliyi pozacaq. "Pakistan üzdə Əfqanıstanın müttəfiqi, əslində isə, Əfqanıstan üçün böyük bir təhlükədir"- deyə Müjdə bildirib.
Bəhin bildirib ki, dünya ictimaiyyəti və Pakistan bilir ki, hazırda Əfqanıstan terrorizmlə mübarizə aparır, biz Pakistan və dünya ictimaiyyətindən ölkəmizi terrorizmlə mübarizədə dəstəkləməsini istəyirik.
Pakistanın Baş nazirinin daxili məsələlər üzrə müşaviri Rəhman Malik bazar ertəsi İslamabadda çıxış edərək Pakistanın Taliban qrupunu "qorxu və dəhşət qrupu" adlandırıb və bu qrupun Pakistanda fəaliyyətini qanunsuz elan edib.
Rəsmi İslamabad avqustun 25 - də elan edib ki, Talibanın fəaliyyətinə Pakistanda qadağa qoyulub, bu qrupun üzvlərinin bank hesabları dondurulub, ofisləri bağlanılıb.
Müəlliflə əlaqə saxlamaq üçün elektron ünvan [email protected]