Azərbaycan, Bakı, 29 avqust/ Trend , müxbir R.Novruzov/ GUAM bir müddət əvvəl Gürcüstanda baş verən hadisələrlə əlaqədar xüsusi bəyanatla çıxış etməyə hazırlaşır. "Demokratiya və iqtisadi inkişaf uğrunda təşkilat - GUAM"ın Xarici İşlər Nazirləri Şurası (XİNŞ) Gürcüstandakı vəziyyətlə əlaqədar bəyanatla çıxış etmək niyyətindədir, -GUAM Katibliyi proqramlarının koordinatoru Georgi Nazarov cümə günü telefonla Trend -a bildirib. Bəyanat təşkilata üzv ölkələrin - Gürcüstan, Ukrayna, Azərbaycan və Moldova XİN rəhbərlərinin görüşü çərçivəsində qəbul ediləcək. Xarici işlər nazirləri BMT Baş Assambleyasının sentyabrın ikinci yarısına təyin edilən növbəti sessiyası zamanı toplaşmağı planlaşdırırlar,- Nazarov bildirib.
"Yəqin ki təşkilata üzv ölkələrdən biri belə təşəbbüslə çıxış edəcək", - Nazarov bildirib.
Avqustun 8-nə keçən gecə tanınmamış Cənubi Osetiya respublikasında irimiqyaslı hərbi əməliyyatlar başlayıb. Gürcü qoşunları Tsxinvaliyə daxil olub. Sonradan rus qoşunları Tsxinvalini tutub və gürcü hərbçilərini Gürcüstan ərazisinə sıxışdırıblar.
Avqustun 12- də RF prezidenti Dmitri Medvedyev bildirib ki, Gürcüstanı sülhə məcburetmə əməliyyatının dayandırılması barədə qərar qəbul edib.Avqustun 26 - da isə, Medvedyev Cənubi Osetiya və Abxaziyanın müstəqilliyinin tanınması haqqında fərman imzalayıb.
GUAM-ın formatı 1997-ci ildə Strasburqda Avropa İttifaqının dövlət başçılarının Sammiti zamanı postsovet dövlətləri tərəfindən yaradılıb. 1999 - cu ildə Özbəkistan bu formata daxil olsa da dörd ildən sonra onu tərk edib. 2006 - cı ildə Kiyevdə ilk sammit zamanı GUAM-ın beynəlxalq təşkilat və "Demokratiya və iqtisadi inkişaf uğrunda təşkilat- GUAM" kimi elan olunması haqda qərar qəbul olunub.
Müəlliflə əlaqə saxlamaq üçün elektron ünvan - [email protected]
