Azərbaycan, Bakı, 06 noyabr / Trend , müxbir A.Hüseynbala/ "Azərbaycan Naminə" İctimai Forumun (ANİF) prezidenti hesab edir ki, 2009 - cu ilin birinici yarısınadək müxalifətin çox ciddi və böyük birliyi formalaşmalıdır.
"Bu birlik yaranacaqsa, 2010 - cu ildə keçiriləcək parlament seçkiləri ilə bağlı kampaniyaya çox ciddi hazırlaşmaq və böyük dəyişikliklərə nail olmağa imkan qazanacağıq", - cümə axşamı Trend - a Müxalifətin Əməkdaşlıq Mərkəzinə daxil olan "Azərbaycan Naminə" İctimai Forumun (ANİF) prezidenti Eldar Namazov bildirib.
Trend - un arayışı : Müxalifətin Əməkdaşlıq Mərkəzinə "Azadlıq" bloku (Azərbaycan Xalq Cəbhəsi, Liberal, Vətəndaş və İnkişaf partiyalari), Müsavat Partiaysı və "Azərbaycan Naminə" İctimai Forum (ANİF) daxildir. Sentyabrın əvvəlində bu siyasi təşkilatlar oktyabrın 15 - də keçirilən prezident seçkisini qanunsuz tanımaq barədə birgə bəyanat imzalayıblar. Bəyanatda prezident seçkisindən sonra formalaşacaq hakimiyyət qeyri - legitim elan edilib.
Seçkidən sonra müxalifətin daha geniş koalisiyada birləşməsi istiqamətində danışiqlar başlasa da, qarşılıqlı ittihamlar nəticəsində, müxalifətin geniş koalisiyasinin yaranması baş tutmur.
Namazovun sözlərinə görə, müxalifətin daha geniş tərkibdə əməkdaşlığı prosesi ləngiyəcəksə, əvvəlki illərdəki kimi, neqativ hallar yenə təkrarlanacaq.
"Keçən illərin mənfi təcrübələrini nəzərə alaraq, hesab edirəm ki, müxalifət liderləri bir - birlərini yaxşı tanıdıqlarından, məsələni çox ləngitmək olmaz", - ANİF rəhbəri deyib.
ANİF rəhbəri, arzuladığı şəkildə müxalifətin birliyi yaranmasa, alternativ addımlar atacağını istisna etməyib.
"Müxalifətin aparıcı qüvvələrinin mümkün qədər tez bir araya gəlməsin ə maraqlıyam. İndi mənim üçün əsas prioritet bundan ibarətdir", - Namazov vurğulayıb.
Məqalə müəllifi ilə əlaqə ünvanı: [email protected]
