İran, Tehran, 04 dekabr / Trend , mwxbirl?rA.Bədəlova, A.Nəmdari/ "Avropa Komissiyası İranı "Nabukko" qaz boru kəmərinə qaz təchizatçısı qismində nəzərdən keçirmir", - cümə axşamı Aİ - nin energetika məsələləri üzrə komissarı Ferran Tarradellas (Ferran Tarradellas) deyib.
İran qazını "Nabukko" boru kəmərinə doldurmağa hazır olmamağın əsas səbəbini Tarradellas İslam Respublikasının nüvə proqramı ilə bağlayıb.
Bu həftə İranın neft nazirinin müavini Əkbər Türkan 3300 kilometrlik "Persian Pipeline" qaz boru kəmərini çəkmək niyyətində olduğunu bəyan edib. Bu kəmər "Nabukko"ya alternativ olacaq. Altı milyard dollara başa gələcək yeni kəmərlə Tehran öz qazını Türkiyə vasitəsi ilə Avropaya nəql etməyi planlaşdırır.
İİR parlamentinin enerji komissiyasının üzvi Hüseyn Zülənvar Tehranın "Nabukko" boru kəmərindən imtinasını şərh edərkən bildirib ki, İran əleyhinə sanksiyalardan sonra ölkə bu addımı atmağa vadar olub.
"Bəzi dövlətlər - Avropa İttifaqına üzv dovl?tl?r ABŞ - ın diqtəsi il? İrana qarşı sanksiyalar tətbiq ediblər. Məhz bu səbəbdən, İslam Respublikasının rəsmiləri yeni boru kəmərinin tikintisi ilə bağlı qərar veriblər", - Zülənvar Trend -ın İrandakı xüsuis müxbirinə deyib.
Persian Pipeline qaz boru kəmərinin tikintisində Tehran "Qaz OPEK-i" adlandırılan üçlükdə təmsil olunan Rusiyanın dəstəyinə umid edir.
"Qaz OPEK-i"nin yaradılması və Rusiyanın da bu təşkilatda üzv olması göstərir ki, RF İranın enerji siyasətini dəstəkləyir", - Zülənvar söyləyib.
Onun sözlərinə görə, yeni loru kəmərinin təhlükəsizliyni Ankara təmin edəcək, Türkiyə rəsmiləri Persian Pipeline boru kəmərinin bu ölkə ərazindən keçərək, Avropaya qaz nəqlin? şərait yaradacaqlarına söz veriblər.
"İran boru kəmərinin çəkilməsinə lazım olan vəsaiti özü ödəyəcək, amma digər ölkələr d? sərmayə yatırmaq istəsələr, İslam Respublikası bu addımı alqışlayacaq", - Zülənvar əlavə edib.
"Nabukko" boru kəmərinin doldurulması məsələsində əsas diqqət Azərbaycanın və regionun Türkmənistan və Qazaxıstan kimi ölkələrinin qazına yönəlib, - Tarradellas Trend -a elektron poçt vasitəsilə bildirib.
Avropa İttifaqının və ABŞ - ın lobbiləşdirdiyi "Nabukko" qaz boru kəməri layihəsi Azərbaycan və Mərkəzi Asiya qazının Aİ ölkələrinə nəqlini təklif edir. Layihə çərçivəsində Azərbaycanın "Şahdəniz" yatağında işlərin ikinci mərhələsində Nabucco gas pipeline International Konsorsiumu ildə səkkiz mlrd. qaz almağı planlaşdırır.
"Nabukko" layihəsinin realizəsinin ikinci mərhəsində Konsorsium İraqdan da analoji həcmdə qaz almağı düşünür. İlkin mərhələdə layihədə İranın Fars körfəzindəki yataqlardan qaz nəqli təklif edilib. Amma İslam Respublikasının nüvə proqramı ətrafında yaranan gərginlikdən sonra Aİ ölkələrinin İran qazını bu kəmərlə nəqlindən imtina ediblər və Türkmənistandan, Özbəkistandan və Azərbaycandan qaz nəqli imkanı qazanmaq üçün, 2006 - cı ildə layihədə dəyişiklik edilib.
Müəlliflə əlaqə ünvanı: [email protected]
