...

Azərbaycanın müxalifət partiyalarının birləşməsinin tərəfdarıyam - müxalifətçi lider

Siyasət Materials 5 Dekabr 2008 12:52 (UTC +04:00)

Trend-i buradan izləyin

Azərbaycan, Bakı, 05 dekabr/ Trend , müxbir A.Hüseynbala/ Azərbaycanın müxalif partiyası "Azadlıq" blokunda təmsil olunan Azərbaycan Xalq Cəbhəsi Partiyasının (AXCP) Müsavat Partiyası ilə əməkdaşlıq etməsinin əleyhinə deyil.

"İki partiya nə zamansa ikitərəfli əməkdaşlığa razılaşsalar, "Azadlıq" blokunda təmsil olunan digər partiyanın lideri kimi mənim tərəfimdən heç bir maneə ola bilməz", - cümə günü Trend -a "Azadlıq" blokunda təmsil olunan Milli Birlik Hərəkatının lideri Lalə Şövkət bildirib.

Trend - un arayışı: Müxalifətin Əməkdaşlıq Mərkəzində təmsil olunan Müsavat və Azərbaycan Xalq Cəbhəsi partiyaları müxalifətin gələcək əməkdaşlığını nəzərdə tutan layihələr hazırlayıblar.

Müxalifətin Əməkdaşlıq Mərkəzinə "Azadlıq" bloku (Azərbaycan Xalq Cəbhəsi, Liberal, Vətəndaş və İnkişaf partiyaları), Müsavat Partiaysı və "Azərbaycan Naminə" İctimai Forum (ANİF) daxildir. Sentyabrın əvvəlində bu siyasi təşkilatlar oktyabrın 15 - də keçirilən prezident seçkisini qanunsuz tanımaq barədə birgə bəyanat imzalayıblar. Bəyanatda prezident seçkisindən sonra formalaşacaq hakimiyyət qeyri-legitim elan edilib.

Seçkidən sonra müxalifətin daha geniş koalisiyada birləşməsi istiqamətində danışıqlar başlasa da, qarşılıqlı ittihamlar nəticəsində hələki müxalifətin geniş koalisiyasının yaranması baş tutmur.

Müsavatın demokratik prosesləri sürətləndirmək, siyasi situasiyanı dəyişmək üçün müxalifətin birgə mübarizəsini istəməmsi ilə bağlı iddialara gəldikdə, MBH lideri bu haqda heç nə söyləmək istəmədiyini deyib.

"Müsavatın əməkdaşlıq üçün hansısa partiyanı seçməsi müstəsna hüququdur. Amma Azərbaycanın indiki ağır vəziyyətində demokratik qüvvələrin daha geniş koalisiyası yaranarsa, daha səmərəli olar", - Şövkət vurğulayıb.

Onun fikrincə, koalisiyada təmsil olunacaq partiyaların mövqeləri, prinsipləri və mənəvi dəyərləri üst-üstə düşməlidir: "Azərbaycan siyasətində mənəvi dəyərlər böyük rol oynayır. Mən mənəviyyatsız siyasəti qəbul etmirəm. Ona görə də geniş koalisiyadan, prinsiplərdən, strategiyadan danışanda mənəviyyat məsələsini də nəzərə almalıyıq", - Şövkət bildirib.

Məqalə müəllifi ilə əlaqə ünvanı: [email protected]

Xəbər lenti

Xəbər lenti