Azərbaycan, Bakı, 06 fevral / Trend , müxbir A.Hüseynbala/ Azərbaycanın müxalifyönlü partiyası referendumla bağlı təbliğat kampaniyasında hakim partiyanın təşviqat qrupuna dəstək verəcək.
"Biz referendumla bağlı ayrıca təşviqat qrupu yaratmamışıq. Amma təbliğat kampaniyasında Yeni Azərbaycan Partiyasının təsis etdiyi "Yeni Azərbaycan" təşviqat qrupu ilə yaxından əməkdaşlıq edəcəyik", - cümə günü Trend -a "Azərbaycan Tərəqqi Alyansı"nda (ATA) təmsil olunan Tərəqqi Partiyasının sədri Çingiz Dəmiroğlu bildirib.
Trend -un arayışı: Martın 18-də Azərbaycanda ölkə Konstitusiyasına əlavə və dəyişikliklərin edilməsi üzrə referendum keçiriləcək.
Referendum üzrə "Yeni Azərbaycan", "Şəhər", "Tərəqqi", "Hüquq və demokratiya", "Vətəndaş Cəmiyyəti" təşəbbüs qrupları MSK-da təşviqat qrupları kimi qeydiyyata alınıblar. "Abad kənd" və "Azad söz" təşəbbüs qrupları qeydiyyatdan keçməyib.
Dairə seçki komissiyalarında 124 təşəbbüs qrupu qeydiyyatdan keçib.
Azərbaycan Konstitusiyası 1995-ci ildə qəbul olunub, 2002-ci ildə Əsas Qanuna dəyişikliklər edilib.
Dəmiroğlu deyib ki, ATA blokunda birləşən 21 partiyanın hər biri referendumla bağlı ayrıca təbliğatla da məşğul olacaq. "Hakim partiyanın təşviqat qrupuna dəstək verməklə yanaşı, blok üzvü olan siyasi qurumların hər biri bütün bölgələrdə fəal təbliğat aparacaq", - müxalif partiya sədri əlavə edib.
Tərəqqi Pаrtiyаsı rаdikаl müxаlifət pаrtiyаsı kimi 10 ildən аrtıq fəаliyyət göstərib. 2008-ci ilin yаyındа lоyаl müxаlifətçiliyə kеçməк və prеzidеntliyə nаmizəd Ilhаm Əliyеvi dəstəkləməк bаrədə qərаr qəbul еdib.
Məqalə müəllifi ilə əlaqə ünvanı:[email protected]
