Azərbaycan, Bakı, 09 fevral / Trend , müxbir A. Hüseynbala/ Azərbaycanın müxalifyönlü partiyası referendumda iştirak edib-etməməklə bağlı üzvlərinə heç bir qadağa qoymayacaq.
"Biz referendumla bağlı təşviqat qrupu yaratmamışıq, partiya kimi də heç bir təşviqat qrupunda təmsil olunmuruq. Amma Konstitusiyaya nəzərdə tutulan dəyişikliklərə səs verib-verməmək məsələsində hər bir partiya üzvü özü qərar qəbul edə bilər", - bazar ertəsi Trend -a Ədalət Partiyası sədrinin müavini Elxan Şükürlü bildirib.
Trend -un arayışı: Martın 18-də Azərbaycanda ölkə Konstitusiyasına əlavə və dəyişikliklərin edilməsi üzrə referendum keçiriləcək.
Referendum üzrə "Yeni Azərbaycan", "Şəhər", "Tərəqqi", "Hüquq və demokratiya", "Vətəndaş Cəmiyyəti" "Davamlı İnkişaf Naminə" və "Zəka" təşəbbüs qrupları MSK-da təşviqat qrupları kimi qeydiyyata alınıblar. "Abad kənd" və "Azad söz" təşəbbüs qrupları qeydiyyatdan keçməyib.
Dairə seçki komissiyalarında 124 təşəbbüs qrupu qeydiyyatdan keçib.
Azərbaycan Konstitusiyası 1995-ci ildə qəbul olunub, 2002-ci ildə Əsas Qanuna dəyişikliklər edilib.
Şükürlünün sözlərinə görə, ayrıca təşviqat qrupu yaratmasalar da, partiyanın bəzi üzvləri sərbəst şəkildə digər siyasi qurumların təsis etdiyi qruplarda təmsil olunurlar/ "Biz bu məsələdə də heç bir partiya üzvünə qadağa qoymamışıq", - Ədalət funksioneri əlavə edib.
Ədаlət Pаrtiyаsı 1993-cü ildə yаrаdılıb, 1996-cı ildə АDP-yə birləşib. 2000-ci ildə "Ədаlət"çilər АDP-dən аyrılаrаq pаrtiyаnın fəаliyyətini bərpа еdiblər. 2001-ci ildən indiyədək Ədаlət Pаrtiyаsınа İlyаs İsmаyılоv sədrlik еdir. İsmаyılоv 2003-cü ildə Аzərbаycаndа kеçirilmiş prеzidеnt sеçkilərində prеzidеntliyə nаmizəd оlub və hazırdа Milli Məclisin dеputаtıdır.
Məqalə müəllifi ilə əlaqə ünvanı:[email protected]
