Rusiya, Moskva, 30 mart / Trend , müxbir R.Ağayev /
BMT Təhlükəsizlik Şurası nüvə proqramı üzündən İrana qarşı əlavə sanksiyaların tətbiqini nəzərdən keçirmir", - bazar ertəsi RF-nin BMT-dəki daimi nümayəndəsi Vitali Çurkin RİA Novosti-dəki mətbuat konfransı zamanı deyib.
"Hazırda heç kim əlavə sanksiyaları təklif etmir və TŞ-də bu mərhələdə bu məsələ haqda yeni müzakirələr nəzərdə tutulmayıb", - Çurkin bildirib.
"Rusiya tərəfinin fikrincə, İranda baş verənləri müəyyən etmək və nüvə proqramının nüvə silahının yaradılmasına aparmadığını müəyyən etmək üçün İran probleminin həllində aparıcı rolu MAQATE oynamalıdır", - Çurkin qeyd edib.
"Biz ümid edirik ki, bu ciddi bir dialoq olacaq və məsələ TŞ-yə bir də qayıtmayacaq, bu durum bizim əvvəlcədən çağırdığımız siyasi və diplomatik yolla həll olunacaq", - Çurkin bildirib.
Onun fikrincə, beynəlxalq ictimaiyyət problemli məsələnin həllində çox vacib rol oynayacaq ABŞ-İran münasibətlərində konstruktiv dialoqa ümid edir.
Məqalə müəllifi ilə əlaqə ünvanı: [email protected]