Azərbaycan, Bakı, 04 may / Trend , müxbir K.Zərbalıyeva /
Azərbaycanın qərbində yerləşən Goranboy rayonunda (paytaxt Bakıdan 330 km məsafədə) yaşayış evində partlayış olub.
Daxili İşlər Nazirliyinin mətbuat xidmətindən bazar ertəsi Trend -a verilən məlumata görə, Goranboy rayonunun Qaradağlı kənd sakini Rza Vəliyevin evində təbii qazın sızmasından yanğına keçən partlayış olub.
Partlayış nəticəsində evin qapısı və pəncərə şüşələri sınıb, yanıq xəsarəti almış Vəliyev isə xəstəxanaya yerləşdirilib.
Faktla bağlı rayon polis şöbəsində araşdırma aparılır.
Məqalə müəllifi ilə əlaqə ünvanı: [email protected]