...

Azərbaycan Ziyalıları Birliyi müxalifəti "Qarabağ Forumu"nda bir araya gələ bilməməsinə görə tənqid edib

Siyasət Materials 15 May 2009 13:37

Trend-i buradan izləyin

Azərbaycan, Bakı, 15 may / Trend , müxbir C.Babayeva /

Azərbaycan Ziyalıları Birliyi (AZB) müxalifəti "Qarabağ Forumu"nda bir araya gələ bilməməsinə görə tənqid edib.  

"Müxalifətin "Qarabağ Forumu"nda bir araya gələ bilməməsi ambisiya və siyasi divident qazanmaq hərisliyi ilə əlaqədardır. Qarabağ faciəsi ilə bağlı bir ola bilməyən siyasi qüvvənin siyasi yox, tibbi problemi var. Qarabağ məsələsi ilə bağlı hamı bir olmalıdır", - cümə günü Trend -a AZB sədri Eldəniz Quliyev bildirib. 

Trend -un arayışı: Azərbaycanın müxalif Klassik Xalq Cəbhəsi, Milli-Demokrat, Azadlıq, Böyük Azərbaycan, Xalq partiyalarının təmsil olunduğu Demokratiya Uğrunda İttifaq dünən  Dağlıq Qarabağ münaqişəsinin nizamlanması ilə bağlı yaranan indiki situasiyanın müzakirəsi üçün "Qarabağ Forumu" keçirib.

"Qarabağ və Respublika Uğrunda Hərəkat"da təmsil olunan Azərbaycan Xalq Cəbhəsi, Vətəndaş və İnkişaf, Liberal, Demokrat, Müsavat və Ümid partiyaları və bir neçə ictimai təşkilat "Qarabağ Forumu"nda iştirak etməkdən imtina ediblər.

Quliyevin fikrincə, müxalifət liderlərinin əsas xəstəliyi bir-birlərinə yuxarıdan aşağı baxmalarıdır. "Heç kimə heç vaxt yuxarıdan aşağı baxmağa icazə yoxdur. Bu yalnız bir halda - yıxılan adamı əyilib qaldıranda mümkündür. Müxalifət liderləri başa düşmürlər ki, bir-birini yıxmaq yox, qaldırmaq hesabına ucala bilərlər", - o bildirib.

AZB sədrinin sözlərinə görə, Dağlıq Qarabağ münaqişəsi ilə bağli keçirilən forumlarla problem həll olunmur. "Forum problemin həllində həmrəyliyə çağırışı həll edə bilər. Eyni zamanada forumlarla iqtidarın Dağlıq Qarabağla bağlı apardığı siyasətə də dəstək verilməlidir", - Quliyev deyib. 

Məqalə müəllifi ilə əlaqə ünvanı: [email protected]

Xəbər lenti

Xəbər lenti