Azərbaycan, Bakı, 21 may / Trend , müxbir S.Ağayeva /
Azərbaycan və İsveçrə parlamentləri qanunverici sahədə əməkdaşlığı genişləndirmək niyyətindədirlər. Azərbaycan Milli Məclisinin (Parlament) spikeri Oqtay Əsədov sentyabrda İsveçrəyə ilk rəsmi səfəri zamanı əməkdaşlığın perspektivlərini müzakirə edəcək. Bu barədə cümə axşamı Trend -a Azərbaycanın bu ölkədəki səfiri Elçin Əmirbəyov bildirib.
Azərbaycan parlamentinin spikeri İsveçrəyə bu ölkə parlamentinin rəhbəri Kiara Simoneski-Kortezanın dəvəti ilə səfər edəcək.
Əmirbəyovun sözlərinə görə, Azərbaycan parlamenti rəhbərinin cavab səfəri diplomatik kanallar vasitəsilə hazırlanır. İsveçrə parlamentinin sabiq spikeri 2007-ci ildə Azərbaycanda səfərdə olub.
Əsədovun Cenevrəyə səfəri zamanı hər iki palata rəhbəri, parlamentlərarası dostluq qrupunun üzvləri ilə görüşlər keçirəcəyi planlaşdırılır.
