Azərbaycan, Bakı, 10 sentyabr / Trend , müxbir E.Tariverdiyeva /
ABŞ-ın postsovet məkanı ölkələrində kadr siyasətinin dəyişməsi Birləşmiş Ştatların yeni administrasiyasının strategiyasının dəyişməsini nümayiş etdirə bilər. MDU-nun Analitik-İnformasiya Mərkəzinin baş direktoru Aleksey Vlasov belə hesab edir.
"Bir sıra postsovet məkanı ölkələrində diplomatik missiya kadrlarının dəyişməsi şəxslərin konkret strategiya altında müəyyən edilməsi ilə əlaqədardır. Bu strategiyanın əvvəlki administrasiyanın strategiyasından çox fərlənməsi mümkündür", - Trend -a Moskvadan telefonla Vlasov bildirib.
ABŞ-ın Gürcüstandakı Fövqəladə və Səlahiyyətli səfiri Con Tefft dünən Gürcüstanı tərk edib. Georgia Times-in Amerika səfirliyinə istinadən xəbər verdiyi kimi, Tefft Gürcüstanda səfir qismində dörd il müddətində işləyib. Onu əvəzləmək üçün Tbilisiyə Con Bass gələcək.
ABŞ-ın yeni səfiri təxminən bir aydan sonra Gürcüstana gələcək, bundan sonra o, rəsmi olaraq səfir vəzifəsinə təyin ediləcək.
Hazırda postsovet məkanı ölkələrində bəzi ABŞ səfirləri dərhal dəyişdirilir. Hələlik Azərbaycan, Moldova, Ukrayna və Gürcüstana səfirlər rəsmi olaraq təyin edilməyib.
Vlasovun sözlərinə görə, Prezident Barak Obama administrasiyasının strategiyası onun birinci prezidentlik müddətinin ortalarında müəyyənləşəcək.
"Obama prioritetləri sistemində postsovet məkanı sözsüz ki, birinci yerdə deyil", - Vlasov belə hesab edir.
Ekspertin sözlərinə görə, hazırda ABŞ iqtisadiyyatının acınacaqlı vəziyyəti ilə bağlı məsələləri həll etmək, Çinə qarşı yeni strategiya qurmaq və Rusiya ilə münasibətlərin "yenidən yüklənməsi"ni həyata keçirmək lazımdır.
"Obamanın digər aksentləri barədə danışmaq hələ tezdir", - Vlasov bildirib.
Məqalə müəllifi ilə əlaqə ünvanı: [email protected]