Azərbaycan, Bakı, 14 yanvar / Trend , müxbir H.Bağırov/
Azərbaycanda qanunsuz küçə ticarəti ilə məşğul olan əcnəbilər saxlanılıb.
Yasamal rayon Polis İdarəsinin 27-ci polis bölməsindən Trend -a verilən məlumata görə, Pakistan vətəndaşları - 35 yaşlı Əhməd Məhəmməd, 23 yaşlı Şövkət Əli və 19 yaşlı Məhəmməd İşdiyaq qanunsuz küçə ticarəti ilə məşğul olduqları üçün polis əməkdaşları tərəfindən saxlanılıblar.
Onlar İnzibati Xətalar Məcəlləsinin müəyyən edilməmiş yerlərdə malların satılması və ya işlərin (xidmətlərin) göstərilməsi (235) maddəsi ilə cərimə olunublar.