Azərbaycan, Bakı, 19 may /Trend, müxbir A.Hüseynbala/
Azərbaycan Parlamentinin komitə sədri Bolqarıstanda keçiriləcək konfransda iştirak etmək üçün mayın 20-dən 22-dək bu ölkədə səfərdə olacaq.
"Hüquq siyasəti və dövlət quruculuğu komitəsinin sədri Əli Hüseynov Avropa İttifaqının "Şərq siyasəti, yeni imkanlar, yeni öhdəliklər" mövzusunda təşkil etdiyi konfransda iştirak edəcək", - çərşənbə günü Trend-ə Milli Məclisin mətbuat xidmətindən bildirilib.
Milli Məclisin deputatı, Vətəndaş Həmrəyliyi Partiyasının sədri Sabir Rüstəmxanlı Dünya Azərbaycanlıları Konqresinin təşkilatçılığı ilə keçiriləcək tədbirlərdə iştirak etmək üçün mayın 19-dan 24-dək ABŞ-ın Nyu-York, mayın 24-dən 27-dək isə Kanadanın Ottava şəhərlərinə səfər edəcək.
Rüstəmxanlı Nyu-York-da "Türkçülük yürüşü" adlı toplantıya qatılacaq və Kanada Parlamentində, Xarici İşlər Nazirliyində, bu ölkədəki Azərbaycan diaspor təşkilatlarında görüşlər keçirəcək.