Azərbaycan, Bakı, 16 iyun /Trend, müxbir S.Süleymanov/
ATƏT-in fəaliyyətdə olan sədri, dövlət katibi, Qazaxıstanın xarici işlər naziri Kanat Caydabayevin təşəbbüsü ilə ATƏT xarici işlər nazirlərinin qeyri-formal görüşü iyunun 16-17-də Almatı yaxınlığında keçiriləcək. Bu barədə Trend-ə Qazaxıstan Respublikası XİN mətbuat xidmətindən bildiriblər.
"Almatı şəhərindən 35 kilometr cənub-şərqdə yerləşən Ak-Bulak kurortu ərazisində keçiriləcək qeyri-formal görüşdə Avropada təhlükəsizlik məsələləri və ATƏT-in rolu müzakirə olunacaq", - idarənin mətbuat xidmətindən bildiriblər.