Azərbaycan Prezidenti türkdilli ölkələrin dövlət başçılarının X Zirvə toplantısında iştirak etmək üçün Türkiyəyə səfərə yola düşüb

Azərbaycan Prezidenti İlham Əliyev türkdilli ölkələrin dövlət başçılarının X Zirvə toplantısında iştirak etmək üçün sentyabrın 15-də Türkiyə Respublikasına səfərə yola düşüb, - məlumatı AzərTAc Dövlət İnformasiya Agentliyi yayıb.

Dövlətimizin başçısını Heydər Əliyev Beynəlxalq Hava Limanında Baş nazir Artur Rasizadə, Prezident Administrasiyasının rəhbəri Ramiz Mehdiyev, Bakı Şəhər İcra Hakimiyyətinin başçısı Hacıbala Abutalıbov yola salıblar.