Azərbaycan, Bakı, 19 oktyabr /Trend, müxbir T.Cəfərov/
İranda oktyabrın 19-da İqtisadi Əməkdaşlıq Təşkilatına (İƏT-EKO) üzv ölkələrin sərhəd xidmətləri rəhbərlərinin birinci iclası öz işinə başlayıb. Bu barədə İranın MEHR xəbər agentliyi məlumat verir.
Məlumata əsasən, iclasda narkotik qaçaqmalçılığı, insan alveri və terrorizmlə bağlı məsələlər müzakirə olunacaq.
İclasın keçirilməsində məqsəd, sərhəd xidmətləri arasında təcrübə mübadiləsini, sərhədlərdə sərnişinlərin gediş-gəlişini və turizm şirkətlərinin qarşılıqlı əlaqəsini asanlaşdırmaq, EKO ölkələri arasında yük daşımalarını sadələşdirməkdir.
İclasda Azərbaycan, Qazaxıstan, Qırğızıstan, Türkmənistan, Özbəkistan, Türkiyə, Əfqanıstan, Pakistan, Tacikistan və İrandan nümayəndələr iştirak edirlər.