Azərbaycan, Bakı, 2 noyabr / Trend müxbir K.Zərbalıyeva/
Van şəhərində baş verən zəlzələdə dağılmış binalarla bağlı ciddi təhqiqat aparılır. Trend-in məlumatına görə, bunu Bakıda səfərdə olan Türkiyənin ədliyyə naziri Sədullah Ərgin çərşənbə günü jurnalistlərə bildirib.
Onun sözlərinə görə, Türkiyədə 2005-ci ildə cinayət qanunvericiliyinə önəmli dəyişikliklər edilib ki, hazırda onun müddəalarına görə, ciddi xəsarət almış binaların tikintisinə məsul olan şəxslər barədə araşdırmalar davam edir.
"Bunun nəticələrini tezliklə görəcəksinizz", - nazir deyib.
Türkiyə Nazirlər Kabinetinin açıqladığı son rəqəmlərə görə, zəlzələ nəticəsində 600-dən çox adam ölüb, 4 152 nəfər isə yaralanıb.
Van əyalətində oktyabrın 23-də 7,2 bal gücündə zəlzələ olub.