Azərbaycan, Bakı, 27 sentyabr /Trend/
Xarici işlər naziri Elmar Məmmədyarov BMT Baş Assambleyasının 67-ci sessiyasında iştirakı çərçivəsində cümə axşamı ABŞ dövlət katibinin Avropa və Asiya məsələləri üzrə köməkçisi Filip Qordon ilə görüş keçirib.
XİN-in mətbuat xidmətindən Trend-ə verilən məlumata görə, görüşdə Azərbaycanla ABŞ arasında ikitərəfli münasibətlərin müxtəlif aspektləri müzakirə olunub və gələcəkdə əlaqələrin daha da inkişaf etdirilməsi yolları barədə fikir mübadiləsi aparılıb.
Amerikalı diplomat NATO-nun Əfqanıstandakı fəaliyyətinə verdiyi dəstəyə görə Azərbaycan tərəfinə təşəkkürünü ifadə edərək, bu dəstəyin gələcəkdə də davam etdiriləcəyinə ümidvar olduğunu bildirib.
Görüşdə tərəflər həmçinin, Ermənistan-Azərbaycan münaqişəsinin həlli istiqamətində aparılan danışıqlar və BMT TŞ-nin gündəliyində duran aktual məsələlər barədə geniş fikir mübadiləsi aparıblar.