...

Rusiya Qəbələ RLS-i Azərbaycana əvvəlki vəziyyətində qaytaracaq - səfir

Siyasət Materials 6 Fevral 2013 15:40 (UTC +04:00)
Rusiya Qəbələ RLS-i qəbul etdiyi vəziyyətdə olduğu kimi Azərbaycana qaytarmaq üzərində iş aparır.
Rusiya Qəbələ RLS-i Azərbaycana əvvəlki vəziyyətində qaytaracaq - səfir

Azərbaycan, Bakı, 6 fevral /Trend, müxbir A.Axundov/

Rusiya Qəbələ RLS-i qəbul etdiyi vəziyyətdə olduğu kimi Azərbaycana qaytarmaq üzərində iş aparır. Trend-in məlumatına görə, bu barədə jurnalistlərə Rusiyanın Azərbaycandakı səfiri Vladimir Doroxin deyib.

"Dünən Qəbələ RLS üzrə komissiyanın ilk iclası keçirilib. Hazırda işlər Qəbələnin özündə davam edir. Komissiya ötən il imzalanan sazişə əsasən, stansiyanı Azərbaycana RLS Rusiyaya verilən zaman hansı vəziyyətdə idisə, o şəkildə də qaytarmaq üzərində iş aparır", - Doroxin qeyd edib.

Səfir bildirib ki, müqavilənin bağlanmasından sonra gətirilən avadanlıq Rusiyanın mülkiyyətidir və Moskvanın onu aparmağa tam haqqı var.

Onun sözlərinə görə, Qəbələdə qısa müddət ərzində nəyi çıxarmağın mümkün olması ilə əlaqədar iş aparılır. Bundan sonra sənədlər imzalanacaq. Sənədlərə əsasən, stansiya Azərbaycanın tabeliyinə veriləcək.

"Bunun nə qədər vaxt aparacağı hələlik məlum deyil. Ekspertlər Rusiyanın nəyi aparmağa haqqı olmasını müəyyənləşdirməlidirlər. Bu, müəyyən qədər vaxt aparacaq", - səfir qeyd edib.

Məqalədə:
Xəbər lenti

Xəbər lenti