Azərbaycan, Bakı, 10 iyun /Trend/
Azərbaycanın xarici işlər naziri Elmar Məmmədyarov Belarus Respublikasının xarici işlər naziri Vladimir Makeyin başçılıq etdiyi nümayəndə heyətini qəbul etmişdir.
XİN-in mətbuat xidmətindən Trend-ə verilən məlumata görə, görüşdə ikitərəfli münasibətlərin səviyyəsindən məmnunluq ifadə olunmuş və ölkə başçılarının müəyyən etdiyi xətt üzrə inkişaf etdiyi vurğulanmışdır. Hüquq-müqavilə bazasının möhkəmləndirilməsinin zəruriliyi qeyd edilmişdir.
Həmçinin, iki ölkə arasında əməkdaşlıq sahələri və qarşılıqlı maraq kəsb edən məsələlər ətrafında fikir mübadiləsi aparılmışdır.
