Azərbaycan, Bakı, 22 oktyabr /Trend/
Rusiyada millətlərarası münaqişələrə görə regional məmurların məsuliyyəti haqqında qanun artıq bu gün qüvvəyə minib. Bu barədə Trend RİA Novosti-yə istinadən məlumat verir.
Rusiya Prezidenti Vladimir Putin yerli hakimiyyətə millətlərarası münasibətlər, millətlərarası və dinlərarası həmrəyliyin möhkəmləndirilməsi, milli, dil və dini mənsubiyyətə görə diskriminasiyanın qarşısının alınması üzrə səlahiyyətlər verən qanunu imzalayıb.
Bu sənədə əsasən, yerli icra hakimiyyəti millətlərarası münaqişənin qarşısını almamağa görə istefaya göndərilə bilər.
Sənəddə vurğulanır: "Bu federal qanun rəsmi şəkildə dərc olunmasından sonra qüvvəyə minir".