Azərbaycan, Bakı, 12 may /Trend, müxbir R.Hafizoğlu/
Türkiyədə prezident seçkiləri ərəfəsində hökumətə qarşı yeni təxribatların olması mümkündür. Bunu ölkənin daxili işlər naziri Əfqan Əla bəyan edib. Trend-in məlumatına görə, xəbəri bazar ertəsi "Haber7" telekanalı yayıb.
Onun sözlərinə görə, mümkün təxribatlar arxasında Fətullah Gülən hərəkatı dayanır.
Nazir onu da qeyd edib ki, Gülən hərəkatı bununla ölkəni xaosa sürükləməyə çalışır.
Türkiyədə prezident seçkiləri 2014-cü il avqustun 10-da keçiriləcək.