Azərbaycan, Bakı, 14 yanvar /Trend, müxbir Səba Ağayeva/
Avropa İttifaqının (Aİ) Cənubi Qafqaz üzrə xüsusi nümayəndəsi Herbert Zalber Bakıda Dağlıq Qarabağ münaqişəsinin nizamlanması ilə bağlı məsələləri müzakirə edəcək. Bu barədə çərşənbə günü Trend-ə Aİ-nin Azərbaycandakı nümayəndəliyindən deyiblər.
Yanvarın 14-15-də Zalber Bakıya səfərində ölkə rəhbərliyi ilə bir sıra görüşlər keçirəcək. Həmin görüşlərdə Azərbaycan ilə Aİ arasında münasibətlərin inkişafı müzakirə olunacaq.
Səfər proqramına Azərbaycan XİN, MTN-də görüşlər də daxildir.