...

MSK bəzi dairə seçki komissiyalarının yeni tərkibini təsdiq edib

Siyasət Materials 12 Fevral 2015 17:06 (UTC +04:00)
Mərkəzi Seçki Komissiyası (MSK) bəzi dairə seçki komissiyalarının (DSK) tərkibinə dəyişiklik edib.
MSK bəzi dairə seçki komissiyalarının yeni tərkibini təsdiq edib

Azərbaycan, Bakı, 12 fevral /Trend, müxbir Elçin Mehdiyev/

Mərkəzi Seçki Komissiyası (MSK) bəzi dairə seçki komissiyalarının (DSK) tərkibinə dəyişiklik edib. Trend-in məlumatına görə, bu barədə qərar MSK-nın bu gün keçirilən iclasında verilib.

Məsələ barədə məlumat verən MSK katibi Arifə Muxtarova bildirib ki, ötən il dekabrın 23-də keçirilən bələdiyyə seçkilərində yol verdiyi nöqsanlara görə 54 saylı Şabran-Siyəzən, 70 saylı Masallı şəhər və 75 saylı Lənkəran-Masallı seçki dairələrinin DSK-ları buraxılıb.

O bildirib ki, Seçki Məcəlləsinin tələbinə görə həmin DSK-ların tərkibi yenidən formalaşdırılmalıdır. A.Muxtarova bu üç DSK-nın yeni tərkibinin MSK-da parlamentdəki bitərəf, çoxluq və azlığın təmsilçiləri arasında razılaşdırıldığını bildirilib.

Daha sonra həmin DSK-ların üzvlüyünə namizədlər səsverməyə çıxarılıb və onların yeni tərkibi təsdiqlənib.

Məqalədə:
Xəbər lenti

Xəbər lenti