Azərbaycan, Bakı, 31 may /Trend, müxbir Rufiz Hafizoğlu/
Türkiyə parlamentinə keçirilən seçkilərdə Azərbaycandakı Türkiyə vətəndaşları da səsvermə hüququndan iditfadə edətrək bu gün səs verməyə başayıblar.
Trend xəbər verir ki, Azərbaycandakı Türkiyə vətəndaşları mayın 31-də Bakı vaxtı ilə saat 10:00-dan 19:00-dək Türkiyənin Azərbaycandakı səfirliyində, Gəncə və Naxçıvandakı konsulluqlarında Türkiyə Böyük Millət Məclisinə (TBMM) keçirilən seçkilərdə səs verə biləcəklər.
Hazırda Azərbaycanda Türkiyə vətəndaşı olan 6558 nəfər seçici var. Onların 5916 nəfəri Türkiyənin Bakıdakı səfirliyində, 340 nəfəri Gəncədəki konsulluqda, 302 nəfəri isə Naxçıvandakı konsulluda qeydiyyatdadırlar.
Türkiyə səfirliyində səs vermək üçün 5 qutu, Gence ve Naxçıvandakı konsülluqlarda isə 1 səsvermə qutusu qoyulub.
Seçicilər olduqlari xarici ölkələrdə səsvermədə iştirak etmədikləri halda yunun 8-dək www.ysk.gov.tr internet ünvanına daxil olmaqla göstərilmiş sərhəd gömrük məntəqələrində səs verə bilərlər.
