Bakı. Trend:
Bakı növbəti dəfə bir çox insanların, ideya və mədəniyyətlərin görüşdüyü marşrut oldu.
Trend-in məlumatına görə, bunu İspaniya XİN rəhbəri Xose Manuel Qarsia-Marqalo Bakıda BMT-nin Sivilizasiyalar Alyansının VII Qlobal Forumunda deyib.
Onun sözlərinə görə, çox yüzilliklər Böyük İpək yolu ilə Romadan İstanbula və oradan Asiyaya səfər edənlər məhz Bakıda dayanıblar: "Və bu gün Bakı BMT-nin Sivilizasiyalar Alyansının VII Qlobal Forumunun keçirilməsi çox doğrudur".
O deyib: "Bu gün Bakıya bizi əhatə edən çağırış və təhlükələrin üzünə baxmaq üçün yığışmışıq". İspaniya XİN rəhbərinin sözlərinə görə, yalnız BMT sisteminə əsaslanaraq multikulturalizm yolu ilə çağırış və təhlükələin öhədəsindən gəlmək mümkündür: "Biz bütün təhlükələrə sinə gəlməli, multikultural cəmiyyətlərdə yaranan problemləri həll etmək üçün bir-birimizə kömək etməliyik".