...

ABŞ Konqresinin üzvü 28 May Respublika günü ilə bağlı bəyanat verdi

Siyasət Materials 8 İyun 2017 08:49 (UTC +04:00)
ABŞ Konqresinin Nümayəndələr Palatasının demokrat üzvü, Nyu Cersi ştatını təmsil edən Donald Peyn Azərbaycanın milli bayramı - Respublika gününün 99-cu ildönümü münasibətilə bəyanatla çıxış edib
ABŞ Konqresinin üzvü 28 May Respublika günü ilə bağlı bəyanat verdi

Bakı. Trend:

ABŞ Konqresinin Nümayəndələr Palatasının demokrat üzvü, Nyu Cersi ştatını təmsil edən Donald Peyn Azərbaycanın milli bayramı - Respublika gününün 99-cu ildönümü münasibətilə bəyanatla çıxış edib.

Trend-in məlumatına görə, Konqres üzvü bəyanatında Azərbaycanın 1918-ci ildə dünyada ilk demokratik və dünyəvi Müsəlman dövləti qurduğu, müstəqilliyinin qısa sürməsinə baxmayaraq Sovet İttifaqının əsarətindən qurtularaq 1991-ci ildə müstəqilliyini yenidən bərpa etdiyini bildirib.

ABŞ-ın müttəfiqi olduğunu vurğuladığı bəyanatında D.Peyn Azərbaycana ABŞ və NATO qüvvələrinə göstərdiyi mühüm dəstəyə, Azərbaycan hərbçilərinin Əfqanıstanda ABŞ əsgərləri ilə çiyin-çiyin vuruşduğuna, habelə Kosovo və İraqdakı əməliyyatlara verdiyi töhfələrə görə ABŞ-ın minnətdarlığını ifadə edib.

Daha sonra bəyanatda Azərbaycanın müsəlman ölkəsi olmasına baxmayaraq 1990-cı illərdən etibarən İsraillə sıx əlaqələr qurduğu, ölkəmizin yəhudi icmasının evi olduğu və tolerant cəmiyyətimizdə dini azadlıq də plüralizmin təmin edildiyi vurğulanıb.

Sonda BMT, NATO və ATƏT-in üzvü kimi Azərbaycan beynəlxalq ictimaiyyətdəki roluna görə təqdir edilib və Azərbaycanın strateji cəhətdən mühüm və mürəkkəb regionda ABŞ-ın güclü tərəfdaşı olduğu vurğulanıb.

Məqalədə:
Xəbər lenti

Xəbər lenti