Bakı. Trend:
Özbəkistanda prezident seçkiləri ölkənin Seçki Məcəlləsinə əsasən ilk dəfə keçiriləcək.
Trend "Xs.uz"a istinadən xəbər verir ki, MSK bu sənədin beynəlxalq standartlara cavab verdiyini qeyd edib.
Seçkilər demokratik prinsiplər əsasında - açıq və aşkar şəkildə baş tutacaq.
MSK rəhbəri bildirib ki, seçkilər 2017-2021-ci illərdə Özbəkistanın inkişafının beş prioritet istiqaməti üzrə Fəaliyyət Strategiyasında müəyyən edilmiş demokratik ideyaların canlı təsdiqinə çevriləcək.
İyulun 23-də MSK-nın iclasında seçki qanunvericiliyində göstərilən normaların vaxtında və səmərəli təmin edilməsi üçün respublikada prezident seçkilərinin keçirilməsi üçün təqvim planı da təsdiq edilmişdir.
Cədvəl MSK tərəfindən müvafiq dövlət qurumları, siyasi partiyalar və digər ictimai təşkilatlarla birlikdə həyata keçiriləcək addım-addım və gündəlik vəzifələri göstərir. Cədvəldə dairə və məntəqə seçki komissiyalarının yaradılmasını, müşahidəçilərin seçkiqabağı iştirakının təmin edilməsini, seçki kampaniyasının maliyyələşdirilməsini, seçkiqabağı təbliğat, seçki prosesinin işıqlandırılması, səsvermə və digər işləri nəzərdə tutulur.
Xatırladaq ki, Mərkəzi Seçki Komissiyası növbəti iclasında Özbəkistanda prezident seçkilərinin gününü təyin edib.