Bakı. Humay Ağacanova - Trend:
Türkiyə Milli Müdafiə Nazirliyi 20 Yanvar faciəsinin ildönümü ilə bağlı paylaşım edib.
Trend-in məlumatına görə, Türkiyə Milli Müdafiə Nazirliyinin "Twitter"dəki paylaşımında deyilir:
"1990-cı il yanvarın 20-də qardaş Azərbaycanda baş vermiş Qara Yanvar kimi tanınan qırğında şəhid olan qardaş və bacılarımızın xatirəsini anırıq. “Bir Millət, İki Dövlət” olaraq azərbaycanlı qardaşlarımızla yaxşı gündə də, pis gündə də birlikdə olmağa davam edəcəyik".