...

Azərbaycan Konstitusiyası böyük hüquqi, siyasi və ideoloji potensiala malikdir və Azərbaycan xalqına xidmət edir - Rauf Əliyev

Siyasət Materials 10 Noyabr 2022 14:14 (UTC +04:00)
Azərbaycan Konstitusiyası böyük hüquqi, siyasi və ideoloji potensiala malikdir və Azərbaycan xalqına xidmət edir - Rauf Əliyev

Bakı. Trend:

Hər il 12 noyabr – Azərbaycan Respublikası Konstitusiyasının qəbul olunduğu gün ölkəmizdə rəsmi dövlət bayramı kimi qeyd edilir. Azərbaycan müstəqillik əldə etdikdən sonra müstəqil dövlət üçün Konstitusiyanın hazırlanması zərurəti yarandı. Bu məqsədlə Prezident Heydər Əliyev başda olmaqla xüsusi komissiya yaradılmış, Konstitusiya layihəsi hazırlanmış və bu layihə ümumxalq müzakirəsinə verilmişdi. 1995-ci il noyabrın 12-də ümumxalq referendumu ilə Müstəqil Azərbaycanın ilk Konstitusiyası qəbul olunub. Həmin gündən 12 noyabr Azərbaycan Respublikasının Konstitusiya günü kimi qeyd olunur. Müstəqil Azərbaycanın ilk Konstitusiyası Azərbaycan Respublikasının dövlət quruculuğunun əsaslarını qoyub. İlk Milli Konstitusiyamızın qəbul edilməsindən 27 il ötür. Azərbaycan xalqının ümummilli lideri Heydər əliyevin bilavasitə təşəbbüsü və rəhbərliyi ilə hazırlanmış Milli Konstitusiya müasir dünyanın ən mütərəqqi konstitusiyalarından biri olmaqla, müstəqil dövlətçilik tariximizdə yeni mərhələ açıb, dövlət quruculuğu, sosial-iqtisadi, ictimai-siyasi həyatımızın inkişafına güclü təsir göstərib. Konstitusiyanın qüvvədə olduğu 27 illik dövr ərzində onun müddəalarının həyata keçirilməsində böyük təcrübə toplanmış, bu sənəddə əks olunmuş konsepsiyalar inkiçaf etdirilərək güclü sosial dövlətin, yüksəkrəqabətli iqtisadiyyatın qurulmasına , insan hüquqlarının effektiv müdafiəsi mexanizmlərinin tətbiqinə təkan verən çoxsaylı normativ hüquqi aktlar qəbul edilmişdir. Cəmiyyətimizin sürətli inkişafı ölkəmizin əsas qanunun da təkmilləşdirilməsini şərtləndirmişdir. Belə ki, 2002-ci, 2009-cu və 2016-cı illərdə keçirilmiş ümumxalq referendumları, habelə qəbul edilmiş bir sıra konstitusiya qanunları vasitəsilə Konstitusiyamıza insan hüquqlarının qorunmasına və dövlət idarəçiliyinin səmərəliliyinin artırılmasına yönəlmiş mühüm dəyişiklik və əlvələr edilmişdir.

Azərbaycan Respublikasının Prezidenti, Ali Baş Komandan İlham Əliyev cənablarının rəhbərliyi ilə 44 gün davam edən Vətən Müharibəsində Qəhrəman Ordumuz tərəfindən torpaqlarımızın 30 illik işğaldan azad edilməsi nəticəsində artıq Konstitusiyamız Azərbaycan Respublikasının bütün ərazilərində qüvvdədir və böyük hüquqi, siyasi və idoloji potensiala malik bu Konstitusiya Azərbaycan xalqının firavanlığına xidmət edir.

Milli Məclisin deputatı

Rauf Əliyev

Məqalədə:
Xəbər lenti

Xəbər lenti