...

Mina xəritələrinin Azərbaycana verilməsi üçün beynəlxalq ictimaiyyət Ermənistana təzyiq göstərməlidir - Ombudsman

Siyasət Materials 3 Mart 2024 20:25 (UTC +04:00)
Mina xəritələrinin Azərbaycana verilməsi üçün beynəlxalq ictimaiyyət Ermənistana təzyiq göstərməlidir - Ombudsman

Bakı. Trend:

Ermənistanın otuz ilə yaxın işğal dövründə torpaqlarımızda basdırdığı minalar mülki şəxslərin və hərbi qulluqçuların həyat və sağlamlığına ciddi təhlükə yaratmaqda davam edir.

Trend xəbər verir ki, bunu Azərbaycanın İnsan Hüquqları üzrə Müvəkkili (Ombudsman) Səbinə Əliyeva Ağdamın Əhmədağalı kəndində baş vermiş mina partlayışına münasibət bildirərkən söyləyib.

"Növbəti mina qurbanı təsərrüfatla məşğul olan mülki şəxs olmuşdur. Belə ki, 2024-cü il 3 mart tarixində Ağdam rayonunun Əhmədağalı kəndi ərazisində baş vermiş mina partlayışı nəticəsində bir mülki şəxs ağır yaralanmışdır.

İkinci Qarabağ müharibəsindən indiyədək 340-dan çox soydaşımız minaya düşərək həlak olmuş və ya xəsarət almışdır.

Beynəlxalq ictimaiyyət Ermənistan hakimiyyətinə torpaqlarımızda basdırılmış minaların dəqiq xəritələrini ölkəmizə təqdim etməsi üçün ciddi təzyiq göstərməlidir", - deyə Səbinə Əliyeva bildirib.

Xəbər lenti

Xəbər lenti