Bu gün gecə saat 02:00-da "Qazeksport" MMC ("Qazprom" ASC-nin törəmə strukturu) Dağıstan ərazisindəki boru kəmərində baş vermiş qəza ilə əlaqədar Azərbaycana qazın tədarükünü dayandırıb. Qaz alıcısı kimi çıxış edən AR DNŞ-dan Trend agentliyinə verilən məlumata əsasən, Azərbaycana hər gün 12 mln m3 qaz idxal olunurdu.
Yanvar-iyun aylarında Azərbaycan "Qazeksport" MMC-dən 2,6 mlrd m3 qaz alıb, bu isə 2004-cü ilin birinci yarısında tədarük edilmiş qazdan 99 mln m3 azdır. İyun ayında Azərbaycana 367,1 mln m3 qaz tədarük olunub ki, bu da 2004-cü ilin iyun ayında idxal edilmiş qazdan 71,1 mln m3 azdır.
Cari ildə AR DNŞ "Qazeksport" MMC-dən 6 mlrd m3 qaz almaq niyyətindədir. Təbii qaz Şirvanovka-Qazı Məhəmməd boru kəməri ilə ölkəyə verilir.
Trend-in ən mühüm və maraqlı xəbərlərini "Telegram"da izləyin
