Yaxın vaxtlarda ABŞ hökuməti hakimiyyət və müxalifəti danışıqlar masası arxasında əyləşməyə və güc tətbiq etməkdən uzaq olmaq üçün mümkün olan hər bir şeyi etməyə dəvət edəcək. Trend bildirir ki, oktyabrın 13-də Bakıda keçirilən mətbuat konfransında ABŞ Konqresi missiyasının üzvü - Kaliforniya ştatını təmsil edən respublikaçı Darrel İssa və demokrat Loretta Sançez bu barədə bəyan edib.
Onlar qeyd edib ki, Azərbaycana və Gürcüstana səfərin məqsədi BTC layihəsinin gerçəkləşdirilməsi, terrorizmlə beynəlxalq mübarizə və demokratiyanın inkişafı ilə tanışlıqdır.İkigünlük səfər çərçivəsində konqresmenlər Azərbaycan prezidenti İlham Əliyev, eləcə də hakimiyyət və müxalifət nümayəndələri ilə görüşlər keçirib. "Biz ümid edirik ki, Azərbaycanda azad və ədalətli seçkilər keçiriləcək. Vətəndaşların informasiyalar əldə edə bilməsi üçün KİV-nin fəaliyyəti tamamilə müstəqil olacaq"-deyə konqresmen Darrel İssa qeyd edib. O, bildirib ki, deputatlığa namizədlərə təşviqat kampaniyası üçün təqdim edilən 4 dəqiqəlik efir vaxtı irəliyə bir addımdır.O, qeyd edib ki, çoxlu sayda beynəlxalq müşahidəçi missiyalarının fəaliyyəti də seçki prosesinə müsbət təsir edəcək. "ABŞ-da pulsuz efir anlayışı yoxdur.Beləliklə, biz deputatlığa namizədlərə pulsuz efir vaxtının verilməsini alqışlayırıq.Biz bilirik ki, Azərbaycanın telekanallarından biri efirə tariflərin endirilməsini elan edib.Bu da müsbət amildir"- deyə öz növbəsind
ə Loretta Sançez qeyd edib və bildirib ki, ABŞ hökuməti Azərbaycanda parlament seçkilərinin keçirilməsi məsələsində nikbindir.
Hər bir seçki məntəqəsində müxalifətə bir nümayəndəliyinin olması imkanının verilməsi zəruriliyi qeyd olunub. Rəngdən istifadə olunmasına toxunan konqresmenlər qeyd edib ki, bu addım yaxşı ideya olardı. "MSK sədri Məzahir Pənahlı ilə görüşdə də həmin mövzuya toxunulub.Rənglənmə yaxşı və yeni üsuldur.Digər məsələlərlə yanaşı həmin məsələyə prezident İ.Əliyevlə görüşdə də toxunulub"-deyə konqresmenlər qeyd edib.
Azərbaycan Demokratik partiyası lideri, keçmiş spiker Rəsul Quliyevin Bakıya qayıtmasına aid sualı cavablandırarkən Darrel İssa deyib ki, həmin məsələ "hüquqi baxımdan müfəssəl araşdırma tələb edir". Konqresmenlər dialoqun davam etdirilməsi zərurətini qeyd edib və bildirib ki, ortaq məxrəc tapılmalıdır. "Biz heç vaxt seçkilərdən tamamilə razı qalmırıq.Azərbaycan gənc demokratik dövlətdir və bizə elə gəlir ki, keçiriləcək parlament seçkiləri irəliyə daha bir addım olmalıdır" -deyə konqresmenlər qeyd edib. Onların fikrincə, seçkilərdə qalib gəlməyən istənilən ölkənin müxalifəti ədalətsiz və saxtalaşdırılmış seçkilərin keçirildiyini bəyan edir.
Sonda konqresmenlər exitpoll. keçirilməsi mövzusuna toxunub.Onların fikrincə, exitpoll özünü doğruldan üsul deyil. "ABŞ-nın son prezident seçkiləri praktikasında biz əmin olduq ki, exitpoll-un nəticələri ilə rəsmi seçkilərin yekunları nə qədər heyrət doğurur.İnsanlar heç də həmişə açıq olmur"-deyə onlar bildirib.
Qeyd edək ki, missiya yüksək vəzifəli məmurlar, siyasi liderlər, eləcə də energetika sahəsindəki nümayəndələrlə məsləhətləşmələr aparmaq və respublikadakı seçkiqabağı vəziyyəti müzakirə etmək məqsədilə oktyabrın 12-də Bakıya gəlib.
Trend-in ən mühüm və maraqlı xəbərlərini "Telegram"da izləyin
.jpg)
.jpg)
.jpg)
.jpg)
