Avropa Şurası (AŞ) "Yeni qonşuluq siyasəti" proqramının Azərbaycana münasibətdə dondurulmasına dair bəyanat nəticəsizdir, belə ki, Bakının iştirakı olmadan həmin proqram uğursuzluğa məhkumdur. Trend bildirir ki, oktyabrın 15-də Türkiyənin Azərbaycandakı səfiri Turan Moralı bu barədə jurnalistlərlə görüşündə bəyan edib.
"Azərbaycan - Cənubi Qafqazın ən güclü və mühüm dövlətidir və Brüsselin həmin addımı proqramı ləngidəcək.Düşünürəm ki, Azərbaycan həmin məsələ ilə bağlı narahat olmamalıdır"-deyə türkiyəli diplomat qeyd edib.
T. Moralı belə qərarı "böyük nöqsan və şantaj cəhdi" adlandırıb və xatırladıb ki, bir vaxtlar Avropa komissiyası Şimali Kiprə münasibətdə iqtisadi blokada rejiminin götürülməsi zərurətinə dair qərar qəbul etmişdi.
"Biz çox gözəl başa düşürük ki, həmin təşəbbüslər haradan qaynaqlanır"-deyə səfir qeyd edib və vurğulayıb ki, Ankara Azərbaycanın Şimali Kipr Türk Cümhuriyyətinə mövqeyindəki dəstəyi yüksək qiymətləndirir.