"Azadlıq" bloku Bakı şəhərində növbəti kütləvi aksiyasını oktyabrın 3-də keçirəcək. Bu barədə Trend ə "Azadlıq" blokunun Mərkəzi Seçki Qərargahından məlumat verilib. Blok liderləri həmin gün saat 15.00-da Bakı şəhərinin mərkəzi yerlərini əhatə edən 6 marşrut üzrə yürüş-mitinq keçirmək qərarını verib. Noyabrın 4-də isə saat 16.00-da Nəriman Nərimanov parkında (N.Nərimanov kinoteatrının qarşısındakı park) görüş-konsert keçirməyi planlaşdırırlar. Qeyd edək ki, "Azadlıq" blokunun rəhbərləri seçkilərin təbliğat kampaniyasının yekunu olaraq noyabrın 4-də Tofiq Bəhramov adına Respublika Stadionunda geniş görüş-konsert keçirməyi nəzərdə tutmuşdu. Lakin liderlər sonradan həmin ünvanı dəyişmək qərarına gəliblər.
Noyabrın 3-də və 4-də keçiriləcək hər iki tədbirlə bağlı oktyabrın 26-da Bakı Şəhər İcra Hakimiyyətinə müraciət göndərilib. Müraciətdə noyabrın 3-də blokun təklif etdiyi 6 marşrutdan birində yürüş-mitinq keçirilməsinə, ayın 4-də isə N.Nərimanov parkında mitinq-konsert təşkil olunmasına icazə istənilir. Blokdan bildirilib ki, Bakı Şəhər İcra Hakimiyyətinin hansı cavabı verməsindən asılı olmayaraq, həmin tədbirlər təşkil olunacaq.