Lənkəranda qaz, su və kanalizasiya infrastrukturunun yaxşılaşdırılması üzrə tədbirlər keçirilir.Şəhərin İcra hakimiyyətində Trend ə bildirilib ki, sakinlərin qazla təminatının yaxşılaşdırılması, eləcə də qazın əhaliyə norial təzyiqlə paylanması üçün cari ilin sonunadək 2150 qaz sayğacının quraşdırılması planlaşdırılır.
Hazırda rayona gətirilən 1234 qaz sayğacından 854-ü quraşdırılıb və istismara verilib. Şəhərdə müxtəlif diametrli 117 km uzunluqda qaz kəmərinin çəkilməsi və şəhər əhalisinin içməli su ilə təchizatının yaxşılaşdırılması üçün layihə-smeta sənədləşdirməsi hazırlanır və yaxın vaxtlarda müvafiq işlərin gerçəkləşdhirilməsinə başlanılacaq.
Şəhərin kanalizasiya sisteminin yaxşılaşdırılması üçün əlavə işlərə başlanılıb. Hazırda 1, 2, 3, 4 və 5 saylı kanalizasiya nasos stansiyalarında yenidənqurma işləri aparılır.Bugünkü gündə 2 km uzunluqda kanalizasiya xətti təmir edilib. Yenidən 1,6 km uzunluqda təzyiq kanalizasiya şəbəkəsi çəkilir.
