Fevralın 9-11-də Moskvada MDB Parlamentlərarası Assambleyasının Şurasının iclası keçiriləcək. Şuranın katibliyindən Trend ə verilən məlumata görə, iclasın gündəliyinə 12-yə yaxın məsələ daxildir. Onların arasında "MDB iştirakçısı olan dövlətlərin parlamentlərində qanunyaratma fəaliyyəti və qanunvericilik monitorinqi təcrübəsi barədə", "MDB-nin terrorizm və eksterimizmin digər təzahürləri, cinayətkarlıq, narkotiklərin, psixotrop maddələrin və onların prekursorlarının qanunsuz dövriyyəsi ilə mübarizədə dövlətlərarası proqramının reallaşdırılmasının gedişi barədə", "MDB iştirakçısı olan dövlətlərin informasiya və rabitə qanunvericiliyinin ahəngdarlığı barədə" və s. var.
MDB PAA-nın Şurasının üzvləri Qazaxıstanda prezident seçkilərinin müşahidəsində MDB PAA-nın nümayəndələrinin işi barədə informasiyaları dinləyəcəklər. İştirakçılar həmçinin, Azərbaycan Respublikasının Milli Məclisinə seçkilərin müşahidəsinin nəticələrini də dinləyəcəklər.
Bundan başqa, MDB PAA-nın Şurasının iclasında 2005-ci ildə Assambleyanın İş planına müvafiq keçirilən bir sıra tədbirlərin yekunları barədə məsələlərə də baxacaqlar.
Azərbaycanın Milli Məclisindən verilən məlumata görə, iclasda parlamentin sədri Oqtay Əsədovun da iştirakı gözlənilir.
Trend-in ən mühüm və maraqlı xəbərlərini "Telegram"da izləyin
.jpg)
.jpg)
