Bu gün Gəncədə sahibkar qadınların iştirakı ilə dəyirmi masa keçirilib. Tədbirdə sahibkarlarla yanaşı dövlət orqanlarında çalışan qadınlar da iştirak edib. Görüşün keçirilməsinin məqsədi bir sıra layihələrin işlənməsində qadınların iştirakını genişləndirmək və onları yeni əməkdaşlıqlara cəlb etməkdir.
Dəyirmi masada həmçinin qadın sahibkarların qarşılaşdıqları problemlər və onlardan çıxış yolları ətrafında fikir mübadiləsi aparılıb. GSQŞ-nın sədri Zemfira Ağayeva rəhbəri olduğu təşkilatın Regionların Sosial İqtisadi İnkişaf Proqramının həyata kesirilməsi ilə əlaqədar gördüyü işlərdən danışdı. Ağayeva həmçinin dövlət tərəfindən iş adamlarına 2006-cı ildə nəzərdə tutulan güzəştli kreditlərin verilməsi ilə bağlı sahibkar qadınların və bankirlərin gələcək birgə layihələrinin mümkünlüyündən söhbət açdı.
Tədbirdə Gəncədə fəaliyyət göstərən təşkilat rəhbəri olan qadınlarla sahibkar qadınların mövcud əməkdaşlağının vəziyyəti təhlil olundu. Yığıncağın sonunda tədbir iştirakçıları tərəfindən söylənilən problemlərin həllinə nail olmaq üçün İqtisadi İnkişaf Nazirliyinə müraciət ünvanlandı.
