Müşavirəni Naxçıvan MR Ali Məclisinin sədri Vasif Talıbov açaraq Muxtar Respublikada narkomanlığa və narkotik vasitələri qanunsuz dövriyyəsinə qarşı mübarizə sahəsində işlər barədə danışıb.
Tədbirin gündəliyində bu məsələlər dayanmışdır: NMR narkomanlığa və narkotik vasitələrin qanunsuz dövrisinə qarşı mübarizə sahəsində görulən tədbirlər barədə. NMR narkomanlığa və narkotik vasitələrin qanunsuz dövriyyəsinə qarşı mübarizə üzrə komissiyasının 2006 il üçün tədbirlər planı haqqında. Narkomanlığa və narkotik vasitələrin qanunsuz dövriyyəsinə qarşı mübarizə üzrə komissiya öz fəaliyyətində səmərəli şəkildə qururaq müyyən işlər görüb. Müşavirədə Ali Məclisin sədri qeyd edib ki, muxtar respublika bir neçə ölkə ilə həmsərhəddir və gömrük-keçid məntəqələrindən narkotik maddələrə maraqlı olan adamların tranzit kimi istifadə etməsi istisna deyil.
"Gömrüklərdə kinoloq xidmetinin tətbiqi narkotik vasitələrin keçirilməsinin qarşısını almaqda xüsusi rol oynayır. Odur ki, belə halların qarşısını almaq üçün gömrükxanalarda bir sıra işlər həyata keçirilir, onların maddi-texniki bazaları möhkəmləndirilib" - deyə məclis sədri bildirib.
Müşavirədə NMR narkomanlığa və narkotik vasitələrin qanunsuz dövriyyəsinə qarşı mübarizə üzrə komissiyasının 2006 il üçün tədbirlər planı qəbul olunub. Ali Məclisin sədri narkomaniya qarşı mübarizədə ictimai təşkilatların rolundan danışıb, onların bu işdə fəalllığının vacib olduğunu bildirib.
