Mayın sonunda Sverdlovsk vilayətinin nümayəndə heyəti Azərbaycana gələcək. Bu barədə Trend ə eksklüziv olaraq Rusiyanın Azərbaycandakı müvəqqəti işlər üzrə müvəkkili Pyotr Burdıkin məlumat verib.
"Nümayəndə heyətinin tərkibi formalaşdırılır və mayın sonunda Bakıda ticari-iqtisadi danışıqlar aparılacaq", - deyə P. Burdıkin bildirib. O xatırladıb ki, bu günlərdə Voronej vilayətinin nümayəndə heyəti iqtisadi əlaqələr qurmaq məqsədilə Azərbaycanda olub.
"Ölkələrimiz arasında əlaqələr inkişaf edir və mən düşünürəm ki, 2006-cı ilin sonunadək belə səfərlərin sayı artacaq", - deyə rusiyalı diplomat qeyd edib.